Årdal Kraftlag er ei dotterverksemd av Årdal Energi Holding AS som kjøper og sel konsesjonskraft.

Selskapet har sju tilsette som skal gje våre kraftkundar best mogleg service med rask kundebehandling og god serviceinnstilling, og dessutan yta økonomiske og administrative tenester til konsernet.

Årdal Kraftlag har gjennom sine eigarar målsetting om å levera konkurransedyktig kraft til alle våre kundar. Sal av kraft avgrensar seg til Årdal kommune, me sel difor ikkje til kundar utanfor kommunegrensa. Selskapet gjev også kvart år betydelege summar tilbake til lokalsamfunnet i form av sponsing til lokale lag- og organisasjonar.